Вазири энерегетика гуфт, эҳтимол нархи барқ дар кишвар боло равад

By | 31.01.2022
Диданд: 21
0 0

Дар Тоҷикистон бори охир соли 2019 ҳаққи истифодаи барқро боло бурда буданд, ки ҳоло нархи 1 киловатт/соат барқ 22,6 дирам мебошад.

Вазири энергетика ва захираҳои оби Тоҷикистон Далер Ҷумъа эҳтимоли баланд бардоштани нархи истифодаи барқро барои аҳолӣ дар солҳои наздик рад накард ва гуфт, ки аз соли 2019 ба ин сӯ таърифаҳои ҳаққи истифодаи барқ дар Тоҷикистон баланд набардоштанд ва ин мавзу бо дарназардошти вазъи иҷтимоӣ ва макроиқтисодӣ дар солҳои наздик баррасӣ мешавад.

Далер Ҷумъа имрӯз, зимни нишасти матбуотии ниҳоди зери роҳбариаш дар посух ба соули “Азия – Плюс” гуфт, ки барои баланд бардоштани нархи барқ факторҳои зиёд ҷой дорад ва он як раванди корӣ мебошад, ки дар сурати зарурат гурӯҳи корӣ аз ҳисоби вазорату кумитаҳои дахлдор ташкил ва мавзуъ дида баромада мешавад.

– Ҳозир диққати асосии мо ба таъмини барқи давомдор ва хушсифат дар фасли зимистони имсола аст. Барои таъмин намудани барқ дар фасли зимистон мо аз марказҳои барқӣ-гармидиҳии шаҳри Душанберо истифода бурда истодаем, ки талафотро камтар мекунад. Агар раванди қимматшавӣ оғоз шавад, иловатан ахоборот пешниҳод мекунем. Вале боз мегӯям, қариб се соли охир нархи истифодаи барқро баланд нашудааст, аммо ин мавзу бо дарназардошти вазъи макроиқтисодӣ, иҷтимоӣ  дар солҳои наздик дида баромада мешавад,- гуфт вазири энергетика ва захираҳои обӣ.

Ёдовар мешавем, ки Далер Ҷумъа дар нишасти хабарии моҳи июли соли 2021 сару садоҳо дар бораи гарон шудани ҳаққи истифода аз неруи барқро дар Тоҷикистон таъйид карда буд.

Ӯ гуфта буд, ки нарх чӣ қадар боло меравад маълум нест, вале як гурӯҳи вижа бо раҳбарии Хадамоти зиддиинҳисорӣ ташкил шудааст ва рӯзҳои наздик бояд кори худро ҷамъбаст кунад ва дар мавриди нархи ҳаққи  истифодаи барқ  қарори вижае содир мешавад.

Далер Ҷумъа далелҳои гарон шудани ҳаққи истифода барқро ба он марбут дониста буд, ки ҳамасола барои рушди соҳа ва бунёди зерсохтҳо маблағҳои зиёде аз хориҷ ҷалб мешавад ва мо боя ин маблағҳо ва хидматрасониҳои дарсадии онҳоро баргардонем. 

Бояд гуфт, ки гуруҳи вижа барои боло бурдани ҳаққи истифода неруи барқ 4 майи соли 2021 бо супориши сарвазири кишвар ва дархости Вазорати энергетика ва захираҳои оби ҷумҳурӣ таъсис дода шуда буд. 

Дар ҳоли ҳозир мардуми Тоҷикистон барои 1 киловатт/соат нерӯи барқ 22,66 дирам пардохт мекунад.

Таърифаҳои неруи барқ давоми солҳои 2010-2016 танҳо дар солҳои ҷуфт ва минбаъд ҳамасола боло бурда мешуданд. Соли 2020 истисно шуд: дар шароити пандемияи коронавирус президенти ҷумҳурӣ дастур дод, ки аз боло бурдани арзиши молу маҳсулот ва хизматрасониҳое, ки монополияи табиии давлат (таъминот бо барқу об, нақлиёти ҷамъиятӣ ва ғайра) мебошанд, худдорӣ карда шавад.

Давоми солҳои 2010-2019 таърифаҳои неруи барқ барои аҳолии кишвар 2,5 баробар: аз 9 дирам дар моҳи январи соли 2010 то ба 22,66 дирам аз моҳи сентябри соли 2019 боло рафт.

Read more: Asiaplus

Leave a Reply

Your email address will not be published.